Willie Revillame, inulan ng papuri mula sa netizens dahil sa naging desisyon niya

Sa kanyang programa sa GMA-7, inianunsiyo na ni Willie Revillame na hindi siya kakandidatong senador ngayong 2022 elections.

Matatandaang naging usap-usapan na iiwanan na niya ang programa para pasukin ang mundo ng pulitika.

Aniya, mahirap itong pasukin dahil sa nakikita niyang hindi pagkakasundo at bangayan.

Aminado rin siya na wala siyang alam sa batas.

“Kung sakaling tatakbo ako sa senado hindi naman ako magaling mag-English, wala akong alam sa batas, baka lait-laiitin ako roon.

“Baka wala rin naman ako maiambag na batas, o dumating yung time na sayang din yung boto niyo sa akin.

“Napakahirap pasukin ng pulitika, kaibigan mo ngayon bukas kaaway. Mag-ama nag-aaway dahil sa posisyon. Sayang yung sinasabi nating paglilingkod da kapwa.ย 

“COC? the last day of filing is tomorrow. Hindi ko kakayanin pumasok sa isang bagay na wala akong kakayahan. Dapat pag pinasok mo ang isang bagay dapat mag-excel ka at nakakagawa ng kabutihan at tama.ย 

“Kabutihan lang ba dapat mong gawin kapag nasa senado ka? dapat marunong ka magbasa ng batas, dapat marunong ka gumawa ng batas.ย 

“Sa araw na ito, tuloy-tuloy po ang Wowowin. Hindi ko po kailangan kumandidato, hindi ko po kailangan manalo, ang kailangan ko makasama kayo.

“Ako po si Willie Revillame, nanunumpa sa inyo na dito lang ako sa Wowowin at magsisilbi sa inyo.”

Dahil sa naging desisyon niyang ito, inulan siya ng papuri mula sa netizens.

Naging trending topic pa siya sa Twitter dahil dito.

Narito ang ilan sa mga tweets ng netizens.

Leave a Reply

Your email address will not be published. Required fields are marked *

error: Content is protected!