Vice Ganda, may panawagan hinggil sa pagsusuot ng face shield

“‘Yung face shield ang luma na… hanggang ngayon isuko na natin ‘to.”

Ito ang naging pahayag ni Vice Ganda sa “It’s Showtime” kahapon, June 22.

Sa gitna ng tsikahan sa segment na “ReIna ng Tahanan” ay napagdiskusyunan ang usapin ng face shield.

“Sino bang producer nito at ayaw sumuko?”

Malakas ang naging tawanan ng iba pang nasa studio sa sunod-dunod na banat ng komedyante.

“Sino bang supplier natin ng face shield?

“Ayaw mo pang isuko, day.

“Madami pa ba kayong supply dyan?

“Kaloka, laban-laban, bawi-bawi ha.”

Matatandaan kasing nagkaroon ng magkakasalungat na pahayag ang ilang opisyal ng pamahalaan hinggil sa pagsusuot ng face shield sa pampublikong lugar.

Panoorin ang nasabing mga pahayag ni Vice dito.

Ang tinutukoy niyang “laban-laban, bawi-bawi” ay ang paiba-ibang anunsiyo hinggil sa face shield.

Unan nang sinabi ni Senate President Tito Sotto na pumayag na si Presidente Duterte na sa ospital na lamang gamitin ang face shield.

Sinundan ito ng pahayag ni presidential spokesperson Harry Roque na hindi na umano required ang pagsusuot ng face shield sa labas ng bahay maliban na lamang sa mga matataong lugar gaya ng public transportation at public markets.

Ilang oras lamang matapos ang pahayag na iyon ay muling naglabas ng anunsiyo si Roque na salungat sa nauna na nitong sinabi.

Nagdulot tuloy ito ng kalituhan sa publiko.

Basahin dito ang reaksiyon ng ilang netizens hinggil sa mga naging pahayag ni Vice sa noontime show.

Ikaw, anong masasabi mo hinggil dito?

Leave a Reply

Your email address will not be published.

error: Content is protected!
%d bloggers like this: