Winning transformation ni Klarisse De Guzman sa Your Face Sounds Familiar, binabatikos

Nanalo bilang grand champion sa katatapos na season 3 ng ABS-CBN celebrity impersonation competition na Your Face Sounds Familiar ang tinaguriang ‘The Soul Diva’ na si Klarisse De Guzman.

Marami ang ipinagbunyi ang pagkapanalo niya lalo na at consistent na matataas na score ang nakukuha niya sa weekly competition.

Sa katunayan, sa nakalipas na 12 weeks bago ang finals night ay apat na beses na nanalo bilang weekly winner si Klarisse.

Ito ay sa impersonation niya kina Jaya (week 3), Minnie Riperton (week 5), Sharon Cuneta (week 9), at Aretha Franklin (week 11).

Sa finals night naman ay ginaya niya ang American singer-songwriter na si Patti LaBelle.

Bagama’t maraming natuwa sa pagkapanalo niya, may ilang netizens din naman ang pumuna sa kanyang final transformation.

Ayon sa kanila tila ‘racist’ ang ginawa niyang panggagaya.

“Ang hirap panuorin ng performance niya dito. i’m a Klarisse fan and I don’t stand by with this choice to do blackface. She already did it TWICE. She has nailed both performances pa naman.”

“Except for the blackface, kinilabutan ako dito ah. Klarisse deserves to win. Though sana, di sya nakablackface later when she wins, pag inulit ang perf nya it will be gold”

Leave a Reply

Your email address will not be published.

error: Content is protected!
%d bloggers like this: